Малайзиянинг Малакка шаҳрида, Hang Jebat Stadium ўйингоҳида ЖЧ-2018 саралаши 6-тур учрашувлари доирасида Сурия ҳамда Ўзбекистон миллий терма жамоалари ўртасидаги учрашув бўлиб ўтди. Суриядаги фуқаролик уруши туфайли учрашув бетараф майдонга кўчирилганди.

Ўйинда 1:0 ҳисоби қайд этилиб, мезбон мақомидаги сурияликларнинг ғалаба қозонди.

Томошабоп ўтмаган учрашувнинг 88-дақиқасида жарима майдони ичида Егор Кримец қўполлик ишлатди ва Лобанов дарвозасига пенальти белгиланди. Зарбани Паненка услубида ижро этган Умар Ҳарбин жамоасига ғалаба келтирди.

Эндиликда Самвел Бабаян қўл остидаги жамоа 9 очкоси билан учинчи ўринда қолмоқда. Ўзаро учрашувда 3 очко олган Сурия 8 очко билан тўртинчи ўринда жойлашган.

ЖЧ-2018 саралаши, Осиё қитъаси
Сурия - Ўзбекистон — 1:0
Гол: Ҳарбин (90 пен)
Сурия: Иброҳим Алма, Аҳмад ал Солиҳ, Муйид ал Ажан, Умро ал Мидани, Амро Женят, Умар Ҳарбин, Маҳмуд ал Мавоз, Фаҳад Юсуф, Тамир Ҳаж Муҳаммад, Мардик Мардикиан, Ҳолид Мубаяд.
Ўзбекистон: Александр Лобанов, Егор Кримец, Анзур Исмоилов, Ислом Тўхтахўжаев, Даврон Ҳошимов, Одил Аҳмедов, Азиз Ҳайдаров, Сервер Жепаров, Жалолиддин Машарипов, Марат Бикмаев, Темурхўжа Абдухолиқов.