АҚШ ҳарбий кучлари чорак асрда биринчи марта Европа мудофаасининг янги оператив режасини қабул қилишди. Бу ҳақида НАТОнинг Европадаги Қўшма Қуролли кучлари (ҚҚК) бош қўмондони генерал Кертис Скапарротти хабарига асосланиб, ТАСС агентлиги хабар берди. У бир вақтнинг ўзида АҚШ ҳарбий кучлари Европа қўмондонлигини ҳам бошқаради. 

"Америка собиқ мудофаа вазири Эштон Картернинг тасдиғи билан 25 йилда биринчи марта Европа мудофаасининг янги оператив режаси тайёрланди", - деди Скапарротти. Картер Пентагон раҳбари лавозимини жорий йилнинг январида тарк этган. 

"ҚҚК бош комиссарининг сўзларига кўра, Америка танклари Европа ерларига қайтган. Бундан ташқари, АҚШнинг F-15 ва F-22 қирувчи-бомбардимонлари ҳавода ҳукмронликни намойиш этишмоқда, Европа денгизлари узра эса АҚШ ҳарбий-денгиз флотининг оператив бирлашмалари ҳаракатланмоқда", - қўшимча қилди Скапарротти.