23 март оқшомида ЖЧ-2018 саралаши, Жанубий Америка минтақасида 13-тур учрашувлари ўтказилди. Тур доирасида 5та учрашув бўлиб ўтди, бу учрашувларда Бразилия Уругвайни йирик ҳисобда таслим этди, Аргентина Чилидан «қасос олди», Хамеснинг голи Боливияга қарши ўйинда Колумбияга ғалаба келтирди, Венесуэла Перу билан ўйинда 2та гол устунлиги билан ғалаба қозона туриб, дуранг ўйнади, Парагвай эса Эквадор устидан қийинчилик билан ғалаба қозонди.

Бразилия Монтевидеодаги «Сентенарио» стадионида Уругвай дарвозасига 4та гол йўллади. Эндиликда Бразилия 30 очко жамғарди ва саралаш мусобақаси жадвалида катта устунлик билан етакчилик қилмоқда. Пентакампионларга йирик ҳисобда ютқазган Уругвай эса 23 очко билан иккинчи ўринда.

Аргентина эса ўз майдонида Чилини минимал ҳисобда мағлуб этди. Ягона голни ўйиннинг 16-дақиқасида Лионель Месси пенальтидан урди. Аргентиналиклар ўз очколарини 22тага етказишди ва 3-ўринда боришмоқда. Чили эса кутилмаганда 6 поғонада (20 очко).

Колумбия Боливияни кичик ҳисобда мағлуб этди. Барранкильеда кечган баҳс колумбияликлар фойдасига 1:0 ҳисобида якунланди. Беллашувдаги ягона гол Мадриднинг «Реал» клуби ярим ҳимоячиси Хамес Родригес томонидан 83-дақиқада киритилди.

Колумбия ушбу ғалабадан сўнг 21 очко жамғарди ва саралаш босқичи жадвалида учинчи ўринга кўтарилиб олди. Боливия (7 очко) 10 жамоа ичида 9-ўринни эгаллаб турибди.

Венесуэла ва Перу терма жамоалари учрашувида дуранг. Венесуэла биринчи бўлимни ўз фойдасига ҳал қилди – 2:0, голлар Микель Вильянуэва (24-дақиқа) ҳамда Ромуло Отеро (40) томонидан киритилди. Бироқ перуликлар иккинчи бўлимда ҳисобни тенглаштирди - Андре Каррильо (46) ва Хосе Паоло Герреро (64) ўз номини таблога ёздириб қўйишди.

Перу терма жамоаси 15 очко жамғарди ва саралаш мусобақаси жадвалида 8-ўринда қолди. Венесуэла (6 очко) эса сўнгги, 10 поғонани эгаллаб турибди.

Парагвай Эквадор устидан қийинчилик билан зафар қучди. Асунсьондаги «Дефенсорес дель Чако» стадионида кечган баҳс мезбонларнинг 2:1 ҳисобидаги ғалабаси билан якунланди.

Парагвай ушбу ғалабадан сўнг 18 очко жамғариб, саралаш мусобақаси жадвалида 7-ўринда жойлашди. Эквадор (20 очко) эса 4 поғонада.

ЖЧ-2018 саралаши
Жанубий Америка, 13-тур

Уругвай – Бразилия 1:4 (1:1, 0:3)
Голлар: 1:0 – 9, пенальти Кавани, 1:1 – 19 Паулиньо, 1:2 – 52 Паулиньо, 1:3 – 74 Неймар, 1:4 – 90 Паулиньо. 
Уругвай – Сильва, Годин, Сильва, Коатес, Перейра, Родригес, Аревало, Весино, Санчес (Эрнандес, 77), Ролан (Стуани, 58), Кавани.
Бразилия – Алиссон, Дани Алвес, Маркиньос, Марсело, Миранда, Паулиньо, Ренато Аугусто (Фернандиньо, 82), Коутиньо (Виллиан, 86), Каземиро, Фирмино (Диего Соуза, 89), Неймар.
Огоҳлантиришлар: Перейра (35), Каземиро (45), Марсело (57), Дани Алвес (61), Годин (65), Коатес (71).

Аргентина – Чили 1:0 (1:0, 0:0)
Гол: 1:0 – 16, пенальти Месси. 
Аргентина – Ромеро, Отаменди, Мас (Мусаккьо, 46), Меркадо (Ронкалья, 77), Рохо, Биглия, Маскерано, Ди Мария, Агуэро (Банега, 58), Игуаин, Месси.
Чили – Браво, Исла, Босежур, Хара, Фуэнсалида (Кастильо, 55), Арангис (Паредес, 90), Варгас, Эрнандес, Санчес, Медель, Сильва (Вальдивия, 70).
Огоҳлантиришлар: Арангис (11), Фуэнсалида (15), Маскерано (18), Игуаин (74), Эрнандес (86).

Колумбия – Боливия 1:0 (0:0, 1:0)
Гол: 1:0 – 83 Хамес. 
Колумбия – Оспина, Сапата, Мина, Армеро, Торрес, Урибе (Сапата, 64), Санчес, Хамес, Куадрадо, Бакка (Кардона, 76), Муриэль (Киньонес, 34).
Боливия – Лампе, Коимбра, Ральдес, Куэльяр (Рибера, 76), Сагредо, Бехарано, Апонте (Гутьеррес, 90), Моралес (Арсе, 87), Мелеан, Хустиниано, Морено.
Огоҳлантириш: Апонте (50).

Венесуэла – Перу 2:2 (2:0, 0:2)
Голлар: 1:0 – 24 Вильянуэва, 2:0 – 40 Отеро, 2:1 – 46 Каррильо, 2:2 – 64 Герреро. 
Венесуэла – Фариньес, Вильянуэва, Анхель, Фельчер, Гонсалес, Отеро (Мачис, 73), Герра, Мурильо (Сотельдо, 84), Ринкон, Мартинес (Эррера, 59), Рондон.
Перу – Гальесе, Родригес, Йотун (Пенья, 78), Трауко, Рамос, Куэва, Тапия (Акино, 85), Каррильо (Руидиас, 78), Корсо, Герреро, Флорес.
Огоҳлантиришлар: Мурильо (28), Трауко (28), Фельчер (44), Рамос (45), Тапия (73).

Парагвай – Эквадор 2:1 (1:0, 1:1)
Голлар: 1:0 – 12 Вальдес, 2:0 – 65 Алонсо, 2:1 – 70, пенальти Кайседо. 
Парагвай – Сильва, да Сильва, Вальдес, Алонсо, Верон, Риверос, Касерес (Ортис, 82), Альмирон, Итурбе (Перес, 71), Домингес, Лескано (Сантандер, 64).
Эквадор – Дреер, Кайседо, Мина, Айови, Валенсия, Нобоа (Мена, 88), Орехуэла (Ойола, 77), Паредес (Монтеро, 87), Валенсия, Боланьос, Кайседо.
Огоҳлантиришлар: Нобоа (19), Боланьос (27), Риверос (83), Ойола (88).