Хитойнинг Хэнань вилоятидаги конда юз берган ҳалокат туфайли саккиз киши қурбон бўлди. Бу ҳақда Синьхуа агентлиги маҳаллий маъмуриятга асосан хабар берди.

Ҳодиса жума куни Линбао шаҳридаги конда содир бўлган. Ҳалокат чоғида 18 киши ер остида бўлган.

Ер юзасига ўн киши олиб чиқилди, улар касалхонага етказилди, бироқ жабрланганлардан бири ҳаётдан кўз юмган. Кейинчалик конда авариянинг етти нафари қурбони жасади аниқланди. Бир киши бедарак йўқолган деб ҳисобланмоқда.

Ҳалокат сабаблари аниқлаштирилмоқда. Синьхуанинг хабар беришича, ҳодисадан олдин конда номаълум модда буғланиб кетган ҳамда портлаш хавфи юзага келган.