Дубайдаги сунъий идрок лабораторияси яқин орада ҳокимият ходимлари ва хусусий сектор ишчиларини уларнинг иш жараёнига роботларни татбиқ этиш бўйича ўқита бошлайди. Бу ҳақда Khaleej Times нашри хабар берди.

Лаборатория душанба куни очилди ва апрель ойидаёқ 200 кишига таълим бера бошлайди. У шунингдек олимлар, талабалар ҳамда барча истовчилар учун очиқ бўлади.

"Келажакка қараб ҳаракатланиш учун биз ҳукумат иш жараёнини қайта кўриб чиқишимиз ҳамда хизматларимизга сунъий идрокни жорий этишимиз керак. Бизда бу технологияни қабул қилишдан бошқа илож йўқ. Колл-марказларни алмаштириб, ота-оналарга мактабларни танлашда когнитив ҳисоб-китоб қилиш орқали ёрдам бермоқчимиз", - дея маълум қилди Дубайнинг Smart Dubai Office раҳбари доктор Ойша бин Бутти бин Бишр.

Дастур ишлаб чиқарувчиларига кўра, янги технологияни ушбу муассасалар иш фаолиятига жорий этиш уларни анча қулайроқ қилади.