Ўзбекистон Республикаси Давлат солиқ қўмитаси ва Суд департаменти ўртасида юридик ва жисмоний шахслар ҳамда якка тартибдаги тадбиркорларнинг солиқлардан бўлган қарздорликларни мажбурий тартибда ундириш юзасидан қўшма комплекс чора-тадбирлар режаси тасдиқланган.

Унда белгиланган вазифалар ижросини таъминлаш мақсадида, Қашқадарё вилоятининг Қарши шаҳри ва туманларида ўн кун давомида жисмоний шахслар солиқ қарзини мажбурий тартибда ундириш борасида амалий ишлар олиб борилди.

Ушбу тадбирлар натижасида 173 та суд ҳужжатлари бўйича 190 млн. сўмга яқин маблағ ундирилиб, солиқ қарзи қопланди. Шунингдек, 12 турдаги қиймати 364 млн. сўмдан ортиқ 89 та мол-мулклар хатланди.