Буюк Британия бош вазири Тереза Мэйнинг баёнот беришича, Бирлашган қироллик Германия билан ҳамкорлик муносабатларини қадрлайди ҳамда бошқа Европа мамлакатларининг иттифоқчиси бўлиб қолишни истайди. Бу ҳақда Reuters агентлиги хабар қилмоқда.

«Биз мамлакатларимиз ўртасидаги ҳамкорлик муносабатлари ва ушбу узоқ дўстликни жуда қадрлаймиз», — деб ёзган Тереза Мэй Frankfurter Allgemeine Zeitung нашрида эълон қилинган мақоласида Германияга мурожаат қилар экан. 

Мэйнинг таъкидлашича, Британия «Германия ва қитъадаги бошқа давлатларнинг зарур ҳамкори ва дўсти бўлиб қолишни хоҳлайди».

Унинг сўзларига кўра, бизнес учун кераксиз тўсиқлар Британияга ҳам Германияга ҳам «зарар келтиради».