Samsung’нинг Сингапурдаги дўконида Galaxy S8 смартфони тақдимотидан бир кун аввал ёнғин рўй берди. Бу ҳақда Channel News Asia хабар бермоқда.

Дўкон жойлашган AMK Hub савдо маркази раҳбарияти ёнғин қўшимча хонада юзага келгани ҳамда уни бир неча дақиқа давомида ўчиришганини хабар қилди.

Маълумотларга кўра, ҳодиса оқибатида ҳеч ким жабрланмади, Samsung дўкони бир қанча муддатга ёпиб қўйилади. Жанубий Корея компаниясида таъкидлашларича, айни дамда қанча миқдорда зарар етгани ва воқеага нима сабаб бўлгани юзасидан текширув ўтказилмоқда.

Аввалроқ KGI Securities таҳлилчилари Samsung Galaxy S8 сотувлари янги iPhone сабаб яхши кўрсаткични қайд эта олмаслигини тахмин қилишганди.