Фожиали йўл-транспорт ҳодисаси «Астрахань — Элиста — Ставрополь» Р-216 йўлининг 103-километрида рўй берган. Opel Zafira машинасида олти нафар киши, жумладан 41 ёшли ҳайдовчи бўлган. У бошқарувни йўқотган ҳамда машина тўнтарилиб кетган.

Ҳалокат оқибатида Ўзбекистон фуқароси бўлган ва орқа ўриндиқда ўтирган 21 ёшли йўловчи ўта оғир жароҳатларни олиб, ҳаётдан кўз юмди. Шу билан бирга, қолган йўловчилар ва ҳайдовчи умуман жароҳат олмаган.

Россия ИИВнинг Астрахань вилояти бўйича бошқармасида аниқлик киритишларича, эркаклар Қозоғистондан Краснодар ўлкасига қараб ҳаракатланишган, улар Россия ҳудудида рўйхатга олишни узайтиришни мақсад қилишганди. Автомобилда бўлган барча шахслар Ўрта Осиё давлатлари фуқаролари бўлган.

Бир инсоннинг ўлимига сабаб бўлган ушбу вазият бўйича жиноят иши ҳали ёпилмади, тергов давом этмоқда.