Ўзбекистон Республикасининг Навоий вилоятига янги прокурор тайинланди. Бу ҳақда Бош прокуратура матбуот хизмати хабар берди. 

Ўзбекистон Республикаси Бош прокурорининг 2017 йил 30 мартдаги буйруғига мувофиқ адлия катта маслаҳатчиси Каримов Хидир Саматович Ўзбекистон Республикаси Конституцияси ва “Прокуратура тўғрисида”ги Қонунига асосан Навоий вилояти прокурори этиб 5 йил муддатга тайинланди.

У шунингдек мазкур прокуратура ҳайъати раиси этиб ҳам тасдиқланган.

Аввалроқ Жиззах, Самарқанд ҳамда Бухоро вилоятларига ҳам янги прокурорлар тайинлангани ҳақида хабар бергандик.