22:58 / 01.04.2017
4833

Yaponiyalik figurachi Xanyu ikki karra jahon chempioni bo‘ldi

Yaponiyalik figurachi Yudzuru Xanyu Xelsinkida o‘tayotgan figurali uchish bo‘yicha jahon chempionatida erkaklar o‘rtasida yakka chiqishda oltin medalni qo‘lga kiritdi.

Ikki dastur natijasiga ko‘ra yaponiyalik sportchi 321,59 ball to‘pladi va o‘zining erkin dasturdagi jahon rekordini yangiladi (223,20 ball). 2-o‘rinni yana bir yaponiyalik figurachi Sema Uno (319,31), 3-o‘rinni xitoylik Tszin Boyan (303,58) qo‘lga kiritdi.

Xanyu endilikda ikki karra jahon chempioniga aylandi.

Ta'kidlash joizki, o‘zbekistonlik figurachi Misha Ge 243,45 ball bilan 12-o‘rinni egalladi.

Jahon chempionatining musobaqa qismi bugun, 1 aprelda yakunlanadi.

Top