Япониялик фигурачи Ханю икки карра жаҳон чемпиони бўлди

Спорт 01 Апрель 2017 2368

Япониялик фигурачи Юдзуру Ханю Хельсинкида ўтаётган фигурали учиш бўйича жаҳон чемпионатида эркаклар ўртасида якка чиқишда олтин медални қўлга киритди.

Икки дастур натижасига кўра япониялик спортчи 321,59 балл тўплади ва ўзининг эркин дастурдаги жаҳон рекордини янгилади (223,20 балл). 2-ўринни яна бир япониялик фигурачи Сема Уно (319,31), 3-ўринни хитойлик Цзинь Боян (303,58) қўлга киритди.

Ханю эндиликда икки карра жаҳон чемпионига айланди.

Таъкидлаш жоизки, ўзбекистонлик фигурачи Миша Ге 243,45 балл билан 12-ўринни эгаллади.

Жаҳон чемпионатининг мусобақа қисми бугун, 1 апрелда якунланади.

Кўпроқ янгиликлар