2017 йил 1 апрель куни Тошкент шаҳридаги Status Silver+ ва Status Gold+ тариф режаларининг айрим мижозлари ҳисобидан белгиланган суммадан кўпроқ маблағ ечиб олингани хусусида ижтимоий тармоқларда хабарлар пайдо бўлган эди. Шу муносабат билан, Ўзбекистонда фаолият юритувчи Beeline компанияси махсус баёнот билан чиқди. Унинг матни компания сайтида жойлаштирилган. Унда шундай дейилади: 

“Бугун компания тизимларининг янгиланиши жараёнида Статус тарифлари мижозларининг бир қисми ўз абонент балансларининг нотўғри акс эттирилганини кўришди. Бу тизимдаги хатолик туфайли содир бўлди ва айни пайтда хатолик бартараф этилди, буни *102# коди орқали текшириб кўриш мумкин.

Биз ҳар бир мижозни қадрлаймиз, шунинг учун ушбу муаммога дуч келган ҳар бир абонентга бир ой бепул мулоқот тақдим этилади. Апрель ойи учун абонент тўлови уларнинг ҳисобларидан ечиб олинмайди. Бу келиб чиққан ноқулайликлар учун бонус тариқасида тақдим этилади. Шунга кўра, дақиқалар, СМС ва интернет траффики тариф шартлари бўйича тўлиқ ҳажмда тақдим этилади. Биз билан эканлигингиз учун ташаккур!”, - дейилади баёнотда.