Нигерияда фаолият юритувчи "Боко харам" радикал гуруҳи ушбу ҳафтада мамлакатнинг шимоли-шарқий қисмига 2 марта юриш қилиб, 21 нафар аёл-қизларни ўғирлаб кетган. Бу ҳақда Agence France-Presse хабар қилмоқда.

Маълумотларга кўра, илк ҳужум 30 март куни Камерун билан чегарадош қишлоқлардан бирига уюштирилган. Маҳаллий жамоатчилик вакилининг сўзларига кўра, гуруҳ жангарилари 17 ёшгача бўлган 14 қизни ўғирлаган. 

Иккинчи ўғирлик Чад кўли соҳилларидаги аҳоли пунктида қайд этилган. Агентликнинг ёзишича, жангарилар пул тўлашни истамаган чўпонни ўлдириб, унинг оиласидан 4 нафар аёлларни ўзлари билан олиб кетишган. 

"Боко харам" – Нигерия шимоли ва шимоли-шарқида фаолият юритувчи радикал кайфиятдаги гуруҳдир. Улар Нигерия ҳудудида Ислом халифалигини ташкил этишни масад қилганларини иддао этишади. 2015 йил мартида гуруҳ ИШИДга содиқлиги бўйича қасамёд қилган.