Айни вақтда АҚШнинг Суриядаги бош устувор вазифаси мамлакат президенти Башар Асадни истеъфога чиқариш эмас, ИШИД террорчилик ҳаракатига қарши курашиш, — деди Оқ уй матбуот котиби Шон Спайсер журналистлар учун ташкил этилган матбуот брифингида Америка маъмурияти вакилларининг пича илгари эълон қилинган баёнотларини тасдиқлаб. 

"Асад бўйича гапирадиган бўлсам, бизга айни пайтда қайси нуқтада эканлигимизни рўй-рост кўрсатиб берувчи сиёсий реаллик бор. Биз ўтган маъмурият ишлаган вақтда Асад масаласи бўйича жуда кўп имкониятларни қўлдан чиқарганмиз. Икки вакилимизнинг баёнотлари — АҚШнинг БМТ қошидаги доимий вакиласи Никки Ҳейли ва давлат котиби Рекс Тиллерсоннинг кеча айтган сўзлари ушбу реалликни ифодалайди ва ҳозир биз бор диққат-эътиборимизни ИШИД террорчиларига қарши туришга қаратишимиз лозимлигини билдиради", — дея жавоб берган матбуот котиби журналистлардан бирининг сиёсатчилар Асадни истеъфога чиқариш энди муҳим вазифа эмаслиги ҳақидаги сўзларини изоҳлашни талаб қилганига жавобан.