Porsche компанияси машиналари синовлари қандай ўтиши ҳақида сўзланган видеороликни намойиш қилди. Компания кўплаб тарихий лаҳзаларни киритган видеода Вайсахдаги синов полигони ҳақида сўзланади.

Полигон 1966 йилда очилган. У махсус айланма майдонни ўз ичига олган. Бу майдонда автомобилнинг бошқарувчанлиги, унинг сирпаниш ва кескин бурилишларда ўзини тутиши синалади ҳамда ён томонлама юкламалар ўлчанади. Полигон ҳудудида ёмон йўлларни имитация қилувчи ғадир-будирликларга эга синов треки, тузли сув билан тўлдирилган ҳовуз бор. Автомобиль кузовининг пастки қисмларининг емирилишга бардошлиги ва барча бирикмалари ишончлилигини текшириш учун бу ҳовуздан 30 км/соат тезлик билан юргазиб ўтилади.  

Бундан ташқари, полигонда аэродинамик туннел ва краш-тестлар ўтказиш учун қурилма мавжуд.