Uzbek Tigers Astana Arlans жамоасидан қасос олди (Видео)

Спорт 01 Апрель 2017 32546

1 апрель куни Бутунжаҳон бокс серияси (WSB)нинг VII мавсум «C» гуруҳи 5-туридан ўрин олган баҳслар бўлиб ўтди. Uzbek Tigers жамоаси Тошкентда Қозоғистоннинг Astana Arlans жамоаси боксчиларини қабул қилди. «Ўзбекистон» спорт мажмуасида гуруҳнинг икки етакчи жамоаси ўртасидаги жанг жуда қизғин кечди. Бокс кечасини Жанубий Корея, Россия, Англия ва Эрон давлатларидан ташриф буюрган ҳакамлар навбати билан бошқариб боришди. 

Ўзбекистонликлар ушбу беллашувда умумжамоа ҳисобида 4-1 ҳисобида рақибларини мағлуб этиб, Қозоғистондаги мағлубият аламини олишнинг уддасидан чиқишди. 

Мусобақа регламентига мувофиқ, боксчилар ҳар бири 3 дақиқадан 5 раунд кураш олиб боришди. 

Дастлаб рингга 64 кг вазн тоифасидаги боксчилар жуфтлиги Элнур Абдураимов ва Дилмурод Мижитов кўтарилди. Унда Uzbek Tigers жамоаси вакилининг қўли баланд келди. 56 кг вазнда рингга чиққан Абдулҳай Шораҳматов ҳам рақиби Илёс Сулейменовга имконият қолдирмади. 75 кг вазн тоифасида акробат боксчимиз Исроил Мадримов Сапарбай Айдаровга қарши жанг олиб бориб, умумий ҳисобни 3-0га етказди ва жамоанинг узил-кесил ғалабасини таъминлади.

Uzbek Tigers жамоасининг ягона мағлубияти +91 кг вазнда рингга кўтарилган Зуҳриддин Маҳкамов ҳисобига ёзилди. У мазкур вазн тоифасида қозоғистонлик Антон Пинчукка имкониятни бой бериб қўйди. Жамоавий баҳслар охирида 49 кгли боксчилаар кураш олиб борди. Рио-2016 ғолиби Ҳасанбой Дўстматов Темиртас Жусуповни синовдан ўтказди. Ҳакамларнинг якдил қарори билан Ҳасанбой Дўстматов рақибидан устун келди.

Айтиш жоизки, Uzbek Tigers WSB доирасида бу вақтгача 4 марта жанг ўтказиб, унинг иккитасида мағлуб бўлган ва иккитасида мутлақ ғалаба қозонган ҳамда 6 очко билан гуруҳда қозоғистонликлардан кейинги иккинчи ўринни эгаллаб туришган эди. Эндиликда, ўзбекистонликлар ҳисобида 9 очко бўлиб, иккинчи ўрнини сақлаб қолди. 

1 апрель куни, шунингдек, Россиянинг Patriot Boxing Team жамоаси ўз майдонида Хитойнинг China Dragons жамоасини қабул қилиб, 5:0 ҳисобида ғалаба қозонди. 

Шундай қилиб, гуруҳдаги ўринлар қуйидагича тус олди: 

Ушбу гуруҳда Қозоғистон жамоаси гуруҳдан чиқиш масаласини ҳал қилиб улгурган. Ўзбекистон ва Россия жамоалари эса, кейинги турда иккинчи ўрин учун курашни давом эттиришади. Хитой жамоаси гуруҳ аутсайдери ҳисобланади.

Эслатиб ўтамиз, The World Series Boxing – Бутунжаҳон Бокс Сериясининг VII фасл 5-турида Ўзбекистон шаънини ҳимоя қилган боксчилар BUKA Boxing Sportswear томонидан тақдим этилган кийимда рингга кўтарилишди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31916 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69336 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9495 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131812 Жамият
Ҳиндистондаги темир йўл фалокати қурбонлари сони 20 кишига етди
21:58 17 Жаҳон
Испания Франция билан чегарасида назоратни кучайтиради
21:53 22 Жаҳон
АПЛ. «Ливерпуль» қийин ғалабани қўлга киритди, 
21:50 237 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 751 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 4384 Спорт
Кўпроқ янгиликлар