Куни кеча Grand Mir Hotel меҳмонхонасида "Uzbek Tigers" - "Astana Arlans" жанги олдидан жамоаларнинг қўшма матбуот анжумани ва боксчилар вазнини ўлчаш маросими бўлиб ўтгани ҳақида хабар қилинган эди. Унда ўзбекистонлик боксчилар бош мураббийи Тўлқин Қиличев ҳам бўлажак учрашув олдидан ўз фикрларини билдирди. 

"Биз рақибнинг кимлигига қараб алоҳида тайёргарлик кўрмаймиз. Ўйлайманки, эртага йигитларимиз энг зўр жангларини ўтказади ҳамда мухлисларимизни хурсанд қила оламиз", - деган бош мураббий. 

У, шунингдек, финалда ҳам "Astana Arlans" билан учрашиш истаги хусусида берилган саволга жавоб берар экан, воқеалар жараёнининг бундай якунланишига қарши эмаслигини таъкидлаган. 

Ўз ўрнида қозоғистонлик боксчилар мураббийи ҳам ўзбек ҳамкасбининг бундай таклифига қўшилишини айтиб ўтди.