АҚШнинг Флорида штатида, Эжевотер шаҳри яқинида иккита енгил моторли самолёт осмонда тўқнашиб кетди. Бу ҳақда шаҳарнинг ўт ўчириш-қутқарув департаментида маълум қилинди. 

Маълум қилинишича, самолётларни аёл ва эркак учувчи бошқарган. Уларнинг иккиси ҳам ҳалок бўлган. Самолётлардан бири Cessna-170 русумидаги самолёт бўлган, иккинчи самолётнинг русуми ҳозирча аниқлай олинмаган. Самолётларда учувчилардан бошқа ҳеч ким бўлмаган.

Тахмин қилинишича, самолётлар бир-бирига қанотлари билан тегиб кетган ва шундан кейин ерга қулаган. Қутқарувчиларни воқеа гувоҳлари чақиртиришган.