Дубай амирининг ўғли ва валиаҳд Ҳамдон ибн Муҳаммад Ал-Мактум саҳрода қумлар орасига ботиб қолган юк машинаси ҳайдовчисига ёрдам кўрсатди. Валиаҳднинг Instagram тармоғи орқали тақдим этилган видеоси тўрт кун ичида 54 минг мартадан ортиқ кўрилди. 

Ҳамдон ўзининг Mercedes-Benz'ига трос улаб, машинани олдинга торта бошлади. Трос бир неча марта узилиб кетди, лекин охир-оқибат юк машинасини "қум тузоқ"дан олиб чиқишга муваффақ бўлинди. 

Ҳамдон ибн Муҳаммад Ал-Мактум - Дубай амири Муҳаммад ибн Рашид Ал-Мактумнинг ўғли. У 2008 йилдан буён Дубай валиаҳди ҳисобланади. Ҳамдон хайрия ишларига кўп вақт ва маблағ сарфлайди. Шаҳзода дунёнинг энг ҳавас қилгулик бўйдоқларидан бири сифатида эътироф этилади.