Хитой полицияси ва махсус хизматлари Гуандун вилоятида ҳаракат қилган 70 га яқин жиноий тўдадан иборат жиноий тармоқни бартараф этди. Умумий ҳисобда 810 киши қўлга олинган. Бу ҳақда Хитой марказий телевидениеси хабар бермоқда. 

Мартнинг иккинчи қисмида икки ҳафта давомида ўтган "Бўрон-4" операцияси давомида полиция вилоятдаги 21 та шаҳарда рейд уюштирган. Жиноятчилардан кўплаб миқдорда қурол-аслаҳа мусодара қилган. Операция давомида бир неча йирик жиноятчилар қўлга туширилган.

Операция давомида фирибгарлик, одамларни ўғирлаш, юлғичлик, давлат ҳокимиятининг маҳаллий идораларига зиён етказиш билан боғлиқ 180 дан кўпроқ жиноят фош қилинган.