Колумбиянинг Путумайо департаментидаги Мокоа шаҳрида селдан ҳалок бўлганлар сони 112 кишигача етди, деб хабар бермоқда "Ассошиэйтед Пресс" ахборот агентлиги. 

Бундай маълумотни мамлакат президенти Хуан Мануэл Сантос келтириб ўтган. Аввалроқ 103 киши ҳалок бўлгани маълум қилинганди.

Кўпчилик одамлар бедарак йўқолган. El Heraldo нашрининг Қизил хочга иқтибос келтирган ҳолда хабар беришича, 180 киши жароҳатланган ва 200 киши бедарак йўқолган.

Фожиага кўп соатлик ёмғирлардан кейин дарёларнинг ўзанларидан тошиши сабаб бўлган. 45 минг кишилик Мокоа шаҳри электрсиз қолиб кетган, шаҳарнинг 17 та тумани жабр кўрган.

Шаҳардаги оғир вазият сабабли Колумбия президенти аҳолига ёрдам кўрсатилишини фожиа жойида бошқариш учун шаҳарга йўл олган.