Миср ҳукумати ИШИД террорчилик гуруҳининг Синай яриморолида ҳаракат қилувчи бўлими асосчиларидан бири йўқ қилинганини тасдиқлади, деб хабар бермоқда ТАСС ахборот агентлиги. 

Бу ҳақда Миср қуролли кучлари расмий вакили, полковник Тамер ар-Рифаий маълум қилди. 

"Ҳарбий-ҳаво кучлари 18 март куни жангариларнинг Синайдаги позицияларига ҳаводан зарба бериши натижасида 18 нафар жангари, жумладан ИШИДнинг Мисрдаги бўлими етакчиларидан бири Абу Анас ал-Ансорий номи билан маълум бўлган Салом Силми ал-Ҳамадин йўқ қилинди", деб маълум қилди ар-Рифаий.