АҚШ вақти-вақти билан Россиянинг қўллаб-қувватлашига муҳтож. АҚШнинг собиқ мудофаа вазири Эштон Картер АВС телекомпаниясига берган интервьюсида шундай фикр билдирди. 

Картер январь ойида ҳукуматнинг республикачилар қўлига ўтгандан кейин собиқ президент Барак Обама маъмурияти ходимлари орасида биринчи бўлиб интервью берган юқори лавозимли шахс бўлди. 

"Вақти-вақти билан биз Россиянинг қўллаб-қувватлашига эҳтиёж сезамиз, ҳатто қизиқишларимиз турлича бўлган тақдирда ҳам", - деди Картер. Бироқ унинг таъкидлашича, РФ президенти Владимир Путин ҳукмронлиги остида бунинг уддасидан чиқиш қийин. 

Пентагоннинг собиқ раҳбари Россия билан совуқ урушга қарши эканини тан олди. Унинг сўзларига кўра, "Россия етакчилари ўзларини эҳтиёткорона тутишган, улар имкон бор бўлган жойларда биз билан ҳамкорлик қилишган".

"Путин ҳукумат тепасига келганидан сўнг орқага чекиниш кузатилган. Ўйлашимча, у ташқи сиёсатдаги муваффақиятини мустаҳкамлаш ҳамда АҚШни провакация қилишни мақсад қилган ва бу стратегик бирликни қийинлаштиради", - деди Картер.  

Россия Федерациясида мамлакатнинг АҚШ билан тенг ҳуқуқли асосда ҳамкорлик учун очиқ экани бир неча марта таъкидланган.