АҚШ президенти Дональд Трамп Хитой раиси Си Цзиньпин билан учрашувда Шимолий Кореяга нисбатан ҳаракатларни муҳокама қилмоқчи. Бу ҳақда АҚШнинг БМТдаги доимий вакили Никки Хейли CBS телеканалига берган интервьюсида маълум қилган.

Унинг айтшича, Пхеньяннинг хатти-ҳаракатлари АҚШни "жуда хавотирланмоқда" ва "Хитой буни яхши билади". "Хитойлик ҳамкасбларимиз билан мулоқот чоғида уларга Хитой томондан ҳаракатларни кўрмоқчилигимизни айтдим. Фикримча, президент ва Си Цзиньпин бу ҳаракатлар қандай бўлиши кераклиги ҳақида суҳбатлашишади", деб айтган Хейли. Унинг таъкидлашича, Вашингтон Пекин билан "бирга ишлаётганини" кўришни истайди.

Аввалроқ Оқ уй матбуот хизмати Трамп Си Цзиньпинни ўзининг Мар-а-Лаго қароргоҳида 6-7 апрель кунлари қабул қилмоқчилигини тасдиқлаганди.