Трампнинг собиқ маслаҳатчиси Россия компанияларидан пул олганини тан олди

Жаҳон 02 Апрель 2017 9314

АҚШ президенти Дональд Трампнинг миллий хавфсизлик масалалари бўйича собиқ маслаҳатчиси Майкл Флинн ўзининг дастлабки декларациясида 2015 йилда Россия компаниялари, хусусан, RT телеканали, «Касперский лабараторияси» ва  «Волга-Днепр» авиакомпаниясидан олган тўловларини яширгани маълум бўлди. The Washington Post Оқ уй томонидан чоп этилган ҳужжатларга асосланиб, шу ҳақида хабар берди. 

Манбага кўра, Оқ уй томонидан икки декларация чоп этилган. Улардан бири 11 февралда Флинн томонидан (истеъфога чиққунига қадар) имзоланган, иккинчиси - 31 март куни. Иккинчисида президентнинг собиқ маслаҳатчиси Россиянинг RT телеканали, «Касперский лабараторияси» ва  «Волга-Днепр» ҳаво орқали юк ташиш билан боғлиқ Америка компанияси томонидан ташкил этилган тадбирлардаги иштироки учун гонорар олганини маълум қилган.

Флинн ушбу компаниялар билан ҳамкорлиги учун айнан қанча пул олгани декларацияда кўрсатилмаган, лекин ўтказилган маблағлар "йилига 5 минг доллардан ошувчи даромад манбалари" бўлимида қайд этилган.

Дастлабки ҳисоботларида Флинн пулларни тадбирларда чиқиш қилгани учун олганини айтган, бироқ аниқ бир компания номини ошкор қилмаган.

Март ойининг ўртасида Bloomberg демократ-конгрессменлар томонидан чоп этилган ҳужжатларга асосланиб, Флиннинг 2015 йилда Россия билан боғлиқ компаниялардан умумий ҳисобда 56 минг доллардан зиёд даромад олгани ҳақида ёзган эди. Кейинроқ «Касперский лабараторияси» 2015 йилда Вашингтонда бўлиб ўтган киберхавфсизликка доир форумда чиқиш қилгани учун Флиннга пул тўлаганини тасдиқлаган.

Флинн ўз лавозимига тайинланганидан 24 кун ўтиб, сиёсий можаролар фонида истеъфога чиқди. 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14483 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68236 Жамият
Кун.uz офис изламоқда
15:48 / 06.08.2017 37118 Lifestyle
"Реал" Испания Суперкубоги соҳиби!
04:08 816 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1065 Жаҳон
Саакашвили Украинага қачон қайтишини маълум қилди 
01:15 1637 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1661 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар