Москва шаҳрида патент олганларнинг деярли ярми - Ўзбекистон фуқаролари

Ўзбекистон 02 Апрель 2017 28854
Фото: Sputnik

Москвада ишлаш учун хориж фуқароларига патент берувчи ягона ташкилот - Сахароводаги кўп функцияли миграция маркази (КММ) Ўзбекистоннинг қанча фуқароси у ерда ишлашга рухсат олганига доир рақамларни эълон қилди. 

Марказ бош директори Николай Федосеевнинг сўзларига кўра, 2016 йилда патент олганлар умумий сонининг тахминан 45 фоизини Ўзбекистон фуқаролари ташкил этган. 

Бу маълумот Ўзбекистон Республикаси Меҳнат вазири Азиз Абдуҳакимов бошчилигидаги делегациянинг Москвага ташрифи чоғида маълум қилинган. Ташрифдан мақсад Марказ фаолияти билан танишув, бир қатор масалалар муҳокамаси бўлган, ўзбекистонликларни марказ хизматларидан бохабар қилиш ҳам шулар жумласидандир. 

Николай Федосеев меҳмонларни миграция марказининг барча зоналари билан таништириб чиқиб, патент олиш, шунингдек ҳукумат ва ҳуқуқ-тартибот органлари ҳамда КММ ҳудудида хорижий фуқароларга ўз хизматларини таклиф қилувчи ташкилотлар билан ҳамкорлик қилиш жараёнлари ҳақида сўзлаб берди. 

Азиз Абдуҳакимов марказни кўздан кечириш давомида патент олаётган ўзбекистонлик меҳнат мигрантлари билан мулоқот қилди ва уларнинг марказ томонидан таклиф қилинаётган хизматларга доир фикрларини ўрганди. 

"Бизнинг фуқароларимиз Россия Федерацияси ҳудудида маҳаллий қонунчиликка риоя қилиши, солиқ тўлаб ва Россия иқтисодиётига ҳисса қўшиб, тўлиқ ҳимояланиши кераклигидан манфаатдормиз, - деди Абдуҳакимов. - Биз ҳам ўз томонимиздан бу ерда уларнинг ҳуқуқи ва ҳуқуқий манфаатларини ҳимоя қилишга қаратилган ишларни амалга оширмоқдамиз".

Николай Федосеев Ўзбекистон Меҳнат вазирлиги делегациясига республика ҳудудида мигрантларни хабардор қилишда кўрсатган ёрдами учун миннатдорчилик билдирди ва бу соҳадаги ҳамкорликнинг катта аҳамиятга эга эканини таъкидлади. 

Ўзбекистон вакиллари мигрантларни хабардор қилишда ўз ёрдамларини таклиф қилишди: улар Ўзбекистон аэропортлари, вокзаллари ва чегара пунктларида КММда патент расмийлаштиришга оид қўлланмалар ва рисолалар тарқатишни йўлга қўйишади. Шунингдек томонлар бундан кейин ҳам меҳнат миграцияси соҳасида ҳамкорлик қилишга келишиб олишди. 

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 9855 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 45488 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 74329 Ўзбекистон
Кун.uz офис изламоқда
15:48 / 06.08.2017 40902 Lifestyle
Beeline Фарғона вилоятида янги таянч станцияларини ишга туширди
«Қонун ўз йўлига, туманда биз билан келишган тадбиркор ишлайди!» — МИБ фаолиятида тушунмовчиликлар
Amazon облигацияларига талаб ҳажми Беларусь ЯИМ билан тенг бўлди
Трампнинг маслаҳатчиси Шарлотсвиллдаги миллатчиларни “масхарабозлар” деб атади
16:47 106 Жаҳон
Бухоро вилоят ҳокими ичимлик суви ва бозорлардаги гўшт таъминоти юзасидан баёнот берди
16:41 873 Жамият
Ўқишга кира олмадингизми? Ташвишланманг, талаба бўлишингиз мумкин 
16:32 5369 Жамият
Кўпроқ янгиликлар