Қирғизистон президенти Алмазбек Атамбаев барқарор ривожланиш бўйича Миллий кенгаш йиғилишида иштирок этди. 

«Тартибсизликлар уюштирмоқчимисан? Унда сени тергов изолятори кутади», деган президент.

Унинг сўзларига кўра, мамлакат ўз вақтида намойишлар ва зўравонликлар туфайли ном чиқарганди. Энди эса мамлакатда ислоҳотлар олиб борилмоқда, дунё бу мамлакатни Бутун дунё кўчманчилик ўйинлари орқали билади.

«Энди қўшни давлатлар Қирғизистонни камсита олишмайди. Улар бизга ҳавас билан қарашади», деган Атамбаев.

«Бизнинг мамлакатимиз ва халқимиз шу тўғри йўлда ҳаракатланишда давом этади. Агар биз ўз ютуқларимизни йўқотишни истамасак, 25 йиллик йўл харитасини ишлаб чиқишимиз керак. Мен мамлакатимиз бу йўлда равон ҳаракатланади деб ўйлайман. Турли манфур сиёсатчилар бизни йўлдан чиқариб юбора олмайди», — деган Алмазбек Атамбаев.

У иккинчи инқилоб арафасида ўзи ҳам қамоқда ўтирганини эслаган.

«Мен ҳам шундай камерада бўлганман. Аммо ҳозир бутунлай бошқача вазият. Тартибсизликлар истаяпсанми, унда сени тергов изолятори кутади, эшиклар очиқ.

Тинчлик ва барқарорлик — биз эришган энг асосий ютуқлар. Қирғизистон суверен давлатга айланди. Биз ҳеч кимга бу тинчликка дахл қилишга йўл қўймаймиз. Кимни юборишмасин, энди мамлакат бошқа йўлга бурилмайди. Бизнинг мамлакатимиз миллий ва маданий туғилишнинг тарихий босқичини бошдан кечирди», — деган президент.