Эквадорда ўтган президентлик сайловларининг 2-босқичида етакчи "Мамлакат альянси" партияси номзоди, мамлакатнинг собиқ вице-президенти Ленин Морено ғолиб бўлди. Бундан мамлакатнинг миллий сайлов кенгаши томондан маълум қилинган дастлабки расмий натижалар дарак бермоқда.  

Фото:EPA

Маълумотларга кўра, Моренога 51,05 фоиз сайловчилар, унинг рақиби, CREO ҳаракати вакили, собиқ банкчи Гильермо Лассога 48,95 фоиз сайловчилар овоз берганлар.

Бироқ мухолифат тарафдорлари расмий натижаларни тан олишдан бош тортмоқдалар. Лассони қўллаб-қувватловчи юзлаб одамлар мамлакат пойтахти Китодаги миллий сайлов кенгаши биноси ёнида норозилик намойиши уюштирганлар. Бинонинг бошқа томонида эса Моренога овоз берганлар тўпланганлар.