Хитой шарқида жойлашган Аньцин шаҳридаги "Ваньхуа" нефть компанияси омборида юз берган портлашда 5 киши ҳалок бўлди. 

Воқеа жойига етиб келган қутқарувчилар ва ўт ўчирувчилар ёниб кетган омборда 5 кишининг жасадини топишган, 3 киши қутқариб қолинган. Жабрланганлардан бири шифохонада оғир аҳволда қолмоқда.

ТАСС ахборот агентлигининг маълум қилишича, маҳаллий ҳукумат атроф-муҳит ифлосланмаслиги учун барча чораларни кўрмоқда. Портлаш жойида ўтказилган мониторинг ҳудуд экологиясига зарар етмаганини кўрсатган.