Hyundai компанияси янги модели, Европа бозорларига мўлжалланган ихчам йўлтанламас - Kona деб номланиши ҳақида маълум қилди. Янгилик Ҳавайи оролидаги туманлардан бири шарафига номланган.

Корея автомобиль ишлаб чиқарувчиси йўлтанламас тизерини ҳам тақдим этди, унда унинг фараси тасвирланган. Янгилик Hyundai’нинг Европадаги тўртинчи йўлтанламасига айланади.

Янги модель ҳақида батафсил маълумотлар кейинроқ тақдим этилади.

Аввалроқ Hyundai А ва В сегментларига мўлжалланган иккита ихчам йўлтанламасни ишлаб чиқишни режалаштираётгани ҳақида хабарлар тарқаганди. Бундан ташқари, компания Grand Santa Fe’нинг саккиз ўринли вариантини ҳам чиқаришни режалаштирган.