Санкт-Петербург метросидаги портлашни ташкиллаштиришда гумон қилинган икки кишига қидирув эълон қилинган. Бу ҳақда «Интерфакс» ҳуқуқ тартибот органларига асосланган ҳолда хабар берган. 

Манбанинг сўзларига кўра, улардан бири вагонда портловчи қурилмани қолдириб кетган шахс, иккинчиси  «Площадь восстания» бекатига бомба қўйган шахс ҳисобланади.

Бундан олдинроқ ОАВда «Сенная площадь» бекатидан «Технологический институт» бекатига ҳаракатланишни бошлаган поезд вагонида портловчи моддалар ўрнатилган рюкзакни қолдиргани гумон қилинган шахснинг сурати тарқатилганди.

Ушбу портлаш оқибатида 10 киши ҳалок бўлиб, 22 киши жароҳатланган.