3 апрель куни, Россия президенти Владимир Путин Санкт-Петербургга келган кунда шаҳар метросида портлашлар содир бўлди.

«Сенная майдони» ва «Технология институти» бекатларида юз берган портлашлар оқибатида 10 киши ҳалок бўлди ва 50 киши жароҳатланди.

Санкт-Петербург метросида портлаш, қурбонлар бор

Маҳаллий вақт билан соат 15:40дан бошлаб Санкт-Петербург метросига кириш ва чиқиш тўлиқ ёпилган. Шаҳар губернатори Георгий Полтавченко фавқулодда ҳолат бўйича режани ишга туширган.

Петербургда қўлбола бомбалар орқали портлашлар содир этилган

«Фонтанка» хабарига кўра, метрода яна бир портламай қолган бомба топилди. Қурилма «Площадь Восстания» бекатига ўрнатилганди. Уни зарарсизлантириш ишлари олиб борилмоқда.

Қайд этиш керакки, бу воқеа мамлакат президенти Владимир Путиннинг Санкт-Петербургга ташрифига тўғри келди. У бугун шу шаҳарда Беларусь президенти Александр Лукашенко билан учрашганди.

Путин теракт вариантини истисно этмади

Тармоқларда истеҳзо билан шаҳарда президентнинг келишига шундай «тайёргарлик» кўрилгани ҳақида айтишмоқда.

Сўнгги марта Россияда метродаги портлаш 2010 йили содир бўлган эди. Ўшанда 45 дақиқалик фарқ билан Москва шаҳри метросининг  «Лубянка» ва «Парк культуры» бекатларида портловчи қурилма ишга тушган, портлашлар оқибатида 41 киши ҳалок бўлган ва 88 киши жароҳатланганди.