Россияда 2017 йилнинг мартида ўртача ҳаво ҳарорати ушбу мамлакатда 127 йиллик иқлим кузатувлари давомида қайд этилган барча кўрсаткичларни янгилади. Бу ҳақда ТАСС хабар бермоқда.

«У 1990 йилнинг мартида қайд этилган аввалги рекордни бирданига 1,5 даражага ортда қолдирди. Жорий йилнинг биринчи уч ойи – мамлакат иқлимшунослик тарихидаги энг илиқ об-ҳаво кузатилган давр бўлди», - дея хабар беришди Россия гидрометеорология марказида.

Таъкидланишича, бутун Россия бўйлаб ҳарорат нормаси 2 даражага кўпроқни ташкил этган.