Ўзбекистон президенти Шавкат Мирзиёев 5 апрель куни Москвада Россия Федерацияси бош вазири Дмитрий Медведев билан учрашиб, савдо-иқтисодий ҳамкорлик масаласини муҳокама қилади. Бу ҳақда Россия Федерацияси ҳукумати сайтида маълум қилинган.

"РФ ҳукумати раҳбари Дмитрий Медведев ва Ўзбекистон Республикаси президенти Шавкат Мирзиёев энергетика, саноат, қишлоқ хўжалиги, инвестиция, инфратузилмалар ва бошқа лойиҳалар бўйича ҳамкорликни муҳокама этишади", дейилган хабарда.

Ўзбекистон раҳбарининг Москвага ташрифи 4-5 апрель кунларида амалга оширилади. Мирзиёев 5 апрель куни Владимир Путин билан учрашади.