"Ўтдими ўтди" қабилида ўтказилаётган тадбирлар хусусида

Жамият 03 Апрель 2017 20067

Ўзбекистон Республикаси Вазирлар Маҳкамаси томонидан 08-21-2 сон билан тасдиқланган “Мамлакатимиз ҳаётидаги муҳим аҳамиятга молик масалалар бўйича ўтказиладиган матбуот анжуманларининг Ягона режаси”га мувофиқ, вазирлик, қўмита, компания, банклар ҳамда турли ташкилот ва идораларнинг амалга оширган ишлари тўғрисида ахборот бериб бориши анъанага айланди. Бу яхши, албатта.

Сўнгги вақтларда ўтказилаётган тадбирларнинг савияси бироз тушиб қолгандек, назаримда, чунки тадбирни ташкиллаштираётган масъул идора вакиллари, раҳбари ёки биринчи ўринбосари, ҳеч бўлмаганда ўринбосари келиб республика оммавий ахборот воситаларига маълумот бериш орқали аҳолини хабардор қилиш ўрнига, бўлим бошлиғи ёки бўлим бошлиғининг ўринбосари келиб, нари-бери ахборот беради, холос. Аниқроқ айтадиган бўлсак, баъзилари қандай ахборот бераётганини ўзи ҳам унча тушунмайдигандек гўё. Бераётган ахбороти журналистлар томонидан тайёрланиб, аҳолига етказилишини билишармикан, деган савол туғилади. 

Мана бугун ҳам “Асака” акциядорлик тижорат банки томонидан инвестицион лойиҳаларни молиялаштириш борасида амалга оширилган ишлар мавзуида матбуот анжумани ўтказилди. Тадбирда банкнинг уч нафар ходими иштирок этди. Банкнинг лойиҳаларни молиялаштириш департаменти бўлим бошлиғи, бўлим ходими ва матбуот котиби. Энг қизиғи, департамент бўлим бошлиғи умумий айтиладиган гаплар билан амаллаб 5-7 дақиқа тақдимот қилди. ОАВ вакиллари ушбу тақдимотда нима берилаётганлигини тушунмасдан бир-бирларига қараш билан вақт ўтказишди. Савол-жавоб қисмида ўзимизга керакли бўлган маълумотни оламиз, деган хаёл ҳам натижа бермади. Журналистлар томонидан берилган саволлар жавобсиз қолди. Шунда ушбу тадбирга тайёргарлик кўрган ходим Москвага хизмат сафари билан кетгани, унинг ўрнига бошқа ходим маълумот бераётгани айтилди. Бундан ташқари, бирон соҳага ажратилаётган сумма ҳақида  сўралса, ушбу маълумот банк сири дея маълумот берилмайди. Бирон рақам ҳақида маълумот бериш ҳақида журналистлар савол берса, унга жавоб бериш мумкин бўлмаса, унда матбуот анжумани ўтказишни нима ҳожати бор? ОАВни йиғишнинг кимга кераги бор?

Бундан олдинроқ Ўзбекистон Республикаси Ташқи иқтисодий Миллий банки томонидан ўтказилган тадбирда Банкнинг масъул ходими журналистларнинг берган саволига жавоб қайтара туриб, озроқ истеҳзо оҳангида аҳолини чорва моллари билан таъминлай олмаймиз-ку деганидек, худдики аҳолини тадбиркор қилиш учун сарфланаётган маблағлар ўзини чўнтагидан кетаётгандек, гўё. Ҳозирда шу нарсага эҳтиёж бор экан, чорва молини сотиб олиб, уни боқиб, семиртириб сотиб, чорвасини икки баробарга кўпайтиришни нимаси ёмон? Ё бўлмаса ўзини оиласини, яқинларини сут ва сут маҳсулотлари билан таъминласа, бу унинг ўзига ҳам, жамиятга ҳам фойда эмасми?!

Тоштемир МУРОД

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 83275 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42885 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49303 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8382 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19364 Ўзбекистон
Италиянинг давлат қарзи рекорд қийматга етди
Олий лига. «Пахтакор» Самарқандда очко йўқотди
21:12 980 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 892 Жаҳон
Ўзбекистон ТИВ раҳбари португалиялик ҳамкасбига мактуб йўллади
Кўпроқ янгиликлар