15 метрли қудуққа қулаган бола омон қолди

Жамият 04 Апрель 2017 11592
Фото:Xinhua

Шарқий Хитойдаги Фандун қишлоғида 15 метр чуқурликдаги қуруқ қудуққа 2 ёшли бола қулаб тушди. "Синьхуа" агентлиги шу ҳақида хабар берди. 

Манбага кўра, душанба куни кундузи болакай диаметри 30 сантиметр бўлган ҳимояланмаган қудуққа қулаган. Уни қутқариш амалиётига ўнлаб экскаваторлар ва бульдозерлар жалб қилинган бўлиб. Қутқарув операцияси 9 соатдан ортиқ давом этган. Ниҳоят тунги соат 3:00 атрофида қутқарувчилар болани қудуқдан олиб чиқишга муваффақ бўлишган.

Хабарда таъкидланишича, ҳозирда болакай ўзини яхши ҳис қилмоқда. Шунга қарамай, у бироз вақт шифохонада, шифокорлар назорати остида бўлади. 

Фото:Xinhua
Фото:Xinhua
Фото:Xinhua

 

Кўпроқ янгиликлар