АҚШ патентлар ва савдо белгилари бюроси Apple компаниясининг янги авлод iPhone смартфонларида Liquidmetal («суюқ металл»)дан фойдаланишга доир мурожаатини эълон қилди. У бюронинг сайтида эълон қилинган

«Суюқ металл» цирконий, титан, никель, мис ва бошқа материалларнинг махсус қотишмаси бўлиб, кўринишидан шишага ўхшайди. Бироқ, у анча мустаҳкам, зангга ва қўллашга юқори чидамлидир. Бундан ташқари, қотишма ўзига етадиган турли салбий таъсирларни йўқота олади. 

Бу материал аввал ҳам Apple патент мурожаатларида қайд этилган. Бироқ, мазкур ҳужжат, бу металлдан янги iPhone корпусини тайёрлашда фойдаланилишини тасдиқлайди. Чунки, ҳужжатга илова қилинган суратлардан бирида «"Суюқ металл"ли корпусга эга бўлғуси iPhone» деган ёзувларни кўриш мумкин.

2016 йил октябрида iPhone 8 шиша корпусга эга бўлади. Шишали панелларни Biel Crystal Manufactory ва Lens Technology компаниялари ишлаб чиқаради. Инсайдерлик маълумотларига кўра, смартфон 5,8-дюймли OLED-дисплейга эга бўлади. 

Liquidmetal Калифорния технология институти илмий гуруҳи томонидан ишлаб чиқарилган эди. Шундан сўнг, технологияни тижорий мақсадларда тарқатиш учун Liquidmetal Technologies компаниясига асос солинган эди. Айни фирма Apple компаниясига ушбу технологиядан муддатсиз эксклюзив фойдаланиш ҳуқуқини тақдим этди.