АҚШнинг собиқ президенти Билл Клинтон ва жорий президентлик сайловларида мағлуб бўлган Хиллари Клинтоннинг қизи Челси АҚШ президенти лавозимига номзодини қўйиш ва Оқ уйнинг ҳозирги эгаси Дональд Трампга чақириқ ташлаш истагида эмас. Челси Клинтон бу ҳақда CBS телеканалига берган интервьюсида айтиб ўтди.

Челси 2020 йилдаги президентлик сайловларида иштирок этиши мумкинлиги ҳақидаги саволга "Мен 2020 йилда унга (Трампга) мағлубият етказа оладиган одаммасман, шунинг учун айни вақтда "йўқ" деб жавоб бераман", деб айтган. 

Трамп 2020 йилда ҳам президентлик сайловларида иштирок эта олади ва АҚШ президенти лавозимида икки муддатга қолиш ниятидалигини айтиб келади.