ИШИД террорчи гуруҳи жангарилари ўзлари назорат қилаётган Мўсулнинг ғарбий қисмини тарк этишга уринган 30дан ортиқ тинч аҳоли вакилини ўлдирди. Бу ҳақда ОАВ вакилларига Ироқ армияси полковниги Аҳмад ал-Жабурий маълум қилган.

Ҳарбийнинг маълумотларига кўра, қатл этилганларнинг барчаси эркаклардир. 

"ИШИД террорчилари аҳолини қўрқитиш мақсадида уларнинг таналарини кўчаларга ташлаб чиққан", — деган Найнаво вилоятини ИШИДдан озод қилиш бўйича амалиётларнинг бирлашган қўмондонлик штаби офицери. 

ИШИД жангарилари Мўсулнинг ўзлари назоратидаги туманларда истиқомат қилувчи тинч аҳоли вакилларига ҳудудни тарк этишларига изн бермайди.