Петербургдаги портлашни қозоғистонлик содир этгани айтилди, Қозоғистон муносабат билдирди

Жаҳон 04 Апрель 2017 47666
Фото: RIA

Санкт-Петербургдаги метро портлашига Қозоғистон фуқаросининг алоқаси борлиги ҳақида гапиришга ҳали эрта. Мамлакатнинг 22 ёшли фуқароси Максим Аришевни қидириш ишлари давом этмоқда. У портлаш пайтида метрода бўлган ҳамда воқеадан сўнг алоқага чиқмай қўйган. Бу ҳақда Қозоғистон ташқи сиёсат идораси матбуот котиби Ануар Жайнаков Facebook’даги саҳифасида ёзди.

Шу тариқа Жайнаков баъзи ОАВнинг Санкт-Петербургда 3 апрель куни уюштирилган теракт Қозоғистон фуқароси томонидан амалга оширилгани ҳақидаги хабарларига изоҳ берди. Аввалроқ қатор ОАВ Қозоғистон фуқароси танасидаги жароҳатлар у портлаш марказида бўлганидан далолат бериши, шу сабабдан тергов у терактга алоқадор бўлиши мумкинлиги ҳақида шубҳага боргани ҳақида хабар берганди. Шу билан бирга талабалик гувоҳномаси ва паспорт ҳам топилди. РИА Новости’нинг ҳуқуқни муҳофаза қилиш органларигдаги манбага таянган ҳолда хабар қилишича, портлаш марказида Ўрта Осиёдан бўлган шахс жасади топилган, бироқ уни террорчи деб аташга ҳали эрта.

Қозоғистон ТИВ матбуот котиби эса портлаш қурбонлари орасида ҳозирча мамлакат фуқаролари йўқ эканини хабар қилди. Унинг сўзларига кўра, ОАВ тақдим этган суратлардаги йигит Аришев эмас.

Жайнаковнинг аниқлик киритишича, Қозоғистоннинг Санкт-Петербургдаги бош консулига Олмаотадан бўлган Ирина Аришева қўнғироқ қилиб, портлаш содир бўлганидан сўнг ўғли – 1996 йилда туғилган Аришев Максим Витальевич алоқага чиқмай қўйганини хабар қилган. Аришев Санкт-Петербургда ўз севгилиси ва қариндошлари билан бирга истиқомат қилади. Қариндошларининг маълумотига кўра, Максим сўнгги бор 3 апрель куни 14:30да алоқага чиқиб, университетдаги дарслардан сўнг Сенная площадь бекатидан Технологический институт орқали уйига қайтаётганини хабар қилган.

"Ўйлашимча, Максим Аришевнинг Санкт-Петербургдаги терактга алоқадорлиги ҳақида гапиришга ҳали эрта. Уни қидириш ишлари давом этмоқда", - дея таъкидлаб ўтди ТИВ матбуот котиби.

Жанаков ҳалок бўлганларнинг яқинларига ўз таъзиясини изҳор этган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 16561 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22078 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11222 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12061 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40241 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52821 Жамият
Кун.uz офис изламоқда
15:48 / 06.08.2017 47691 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 262 Жаҳон
Қатар зиёратчиларнинг Саудияга парвозларини блокламоқда
15:35 527 Жаҳон
Кўпроқ янгиликлар