МДҲ ташқи ишлар вазирлари Тошкентда йиғилади

Ўзбекистон 04 Апрель 2017 5443

Тошкент шаҳрида 7 апрель куни Мустақил Давлатлар Ҳамдўстлиги Ташқи ишлар вазирлари кенгашининг навбатдаги мажлиси бўлиб ўтади. Бу ҳақда ЎзА хабар берган.

Бу ҳақда Ўзбекистон Республикаси Ташқи ишлар вазирлигида ўтказилган брифингда маълум қилинди. Ташқи ишлар вазири ўринбосари Анвар Носиров мазкур кенгаш мажлисида Арманистон, Беларусь, Қирғизистон, Қозоғистон, Россия, Тожикистон ташқи ишлар вазирлари, Молдова, Озарбайжон ва Туркманистондан ташқи ишлар вазири ўринбосарлари иштирок этишини таъкидлади. Кенгаш мажлисида МДҲ Ижроия қўмитаси раиси – Ижрочи котиби Сергей Лебедев ҳам қатнашади. 

Ташқи ишлар вазирлари кенгаши МДҲ Давлат раҳбарлари кенгаши ва Ҳукумат раҳбарлари кенгаши қарорлари асосида иштирокчи давлатларни қизиқтирган масалалар бўйича ташқи сиёсий ҳамкорликни мувофиқлаштирувчи асосий ижроия органидир. Ташқи ишлар вазирлари кенгаши мажлиси Давлат раҳбарлари кенгаши ва Ҳукумат раҳбарлари кенгаши йиғилишларига тайёргарликнинг муҳим босқичи ҳисобланади ва бир йилда икки марта ўтказилади. Жорий йилда Давлат раҳбарларининг навбатдаги йиғилиши октябрь ойида Москва шаҳрида, Ҳукумат раҳбарлари йиғилишлари эса май ойида Қозон шаҳрида ва ноябрь ойида Ашхобод шаҳрида бўлиб ўтади. 

МДҲ Ташқи ишлар вазирлари кенгашининг бўлажак мажлиси кун тартибига 16 ҳужжат лойиҳаси киритилган. Улардан 10 таси Ҳамдўстликнинг Давлат раҳбарлари кенгаши ва Ҳукумат раҳбарлари кенгашига киритиш учун тасдиқланиши режалаштирилган. 

Кўриб чиқилаётган ҳужжатлар лойиҳалари Ҳамдўстлик мамлакатларининг ташқи сиёсат, ҳуқуқий, маданий-гуманитар, хавфсизликни таъминлаш, шунингдек, жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролларини тарқатишга қарши курашиш соҳаларидаги ўзаро ҳамкорлик масалаларига қаратилган. 

Вазирлар минтақавий хавфсизлик ва барқарорликни мустаҳкамлаш, савдо-иқтисодий ва маданий-гуманитар ҳамкорликни кенгайтириш, шунингдек, МДҲ давлатларининг барқарор ривожланишини таъминлашга оид долзарб масалалар юзасидан фикр алмашади. Кенгаш мажлиси доирасида ташқи ишлар вазирлари икки томонлама учрашувлар ҳам ўтказади. 

Вазирлар учрашувининг ҳужжатларини биргаликда ишлаб чиқиш мақсадида 2017 йил 6 апрель куни иштирокчи давлатлар ва МДҲ Ижроия қўмитаси вакилларининг Келишув мажлиси бўлиб ўтади. 

Мазкур тадбирларда 200 дан ортиқ меҳмон, шу жумладан, расмий делегациялар аъзолари ва журналистлар иштирок этиши кўзда тутилган. 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 23317 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 25004 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12894 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54161 Жамият
КХДР: Корея ярим оролида уруш чиқиши АҚШ ҳаракатларига боғлиқ
20:00 535 Жаҳон
Тиббиётдаги энг хавфли 10 жараён
19:40 1977 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1756 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 1637 Жамият
Кўпроқ янгиликлар