МХХ Кореяга ишлашга юборувчи фирибгарлар тўдасини фош этди

Ўзбекистон 04 Апрель 2017 43440

Ўзбекистон Миллий хавфсизлик хизмати оператив ходимлари Бош прокуратура ҳузуридаги департамент вакиллари билан ҳамкорликда фуқароларни хорижга ишлашга юбориш бўйича фирибгарлик тизимини фош этди. 

Sputnik Ўзбекистон сайти хизматдаги мулозим сўзларига асосланган ҳолда ёзишича, тизимни Андижон вилояти фуқароси, вақтинча ишсиз бўлган 49 ёшли С.А. (исм-шариф тергов мақсадида ошкор қилинмаяпти) Ўзбекистон фуқароларини маълум ҳақ эвазига Жанубий Кореяда ишлашга юборишда кўмак беришни ваъда қилган. 

"Жиноятчи бошқа қонунга зид усуллар билан ҳам пул топган. У пойтахтдаги айрим ОЎЮларига ўқишга кириш бўйича ноқонуний тизимлар билан фуқаролар ўртасида воситачилик ҳам қилган. Бундан ташқари, хорижий олий ўқув юртлари дипломларини Ўзбекистонда нострификация қилингани бўйича сохта сертификатлар тайёрлаш билан шуғулланган. Шу билан бирга, таъкидланишичаа, у бундан аввал икки марта божхона қонунчилигини бузгани ва ўғирлик содир этгани учун жиноий жавобгарликка тортилган", — дея қайд этган МХХ вакили. 

Бунда жиноий тўданинг асосий бўғини 67 ёшли фарғоналик аёл У.М. бўлган. У жабрдийдаларга ўзини Тошкентдаги Корея қўшма корхонаси ходими сифатида таништирган. У.М. Жанубий Кореянинг Ўзбекистондаги элчихонасида танишлари борлигини айтган. Одамларни ишонтириш мақсадида қимматбаҳо либослар кийиб, қиммат тақинчоқлар тақиб юрган. Toyota Prado автомобилини бошқарган.

Албатта, бу харажатлар қармоққа илинган содда одамлар ҳисобидан қопланган. Уларнинг фирибгарлик тўрига 40дан ортиқ ўзбекистонлик илинган. Фирибгарлар Кореяга ишлаш учун кетмоқчи бўлганлардан 1-5 минг доллар пул олган. 

МХХ оператив ходимлари С.А.ни 1 минг АҚШ долларини олаётган вақтда қўлга олишган. Кейинроқ, унинг жиноий шериги бўлган аёл ҳам қўлга олинди. Прокуратура органлари ушбу шахсларга нисбатан Ўзбекистон Жиноят кодексига мувофиқ жиноий иш қўзғатган. Тергов ишлари давом этмоқда.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28042 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14934 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56040 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 663 Жаҳон
Reuters: АҚШ Мисрга ҳарбий ёрдам бермайдиган бўлди
00:34 644 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 2427 Жамият
Германияда Трамп боши шаклидаги гиёҳванд моддали таблеткалар аниқланди
00:21 655 Жаҳон
Сербия Ҳиндистон ва Эрон фуқаролари учун визани бекор қилди
00:18 644 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 876 Жаҳон
Кўпроқ янгиликлар