"Россия" авиакомпаниясининг "Москва-Калининград" авиарейси амалга оширилаётган вақтда йўловчилардан бири самолётни портлатиш билан таҳдид қилди. Бу ҳақда авиакомпания вакили маълум қилди. 

Унинг айтишича, Москванинг "Внуково" аэропортидан чиққан SV 6127 рейси экипажи ёмон об-ҳаво шароити туфайли самолётни Петербургдаги "Пулково" аэропортига олиб кетишга қарор қилган. Кўринишича, бундан норози бўлган йўловчи самолётни портлатиш билан таҳдид қилган.

Бу ҳақдаги маълумот "Пулково" аэропорти тезкор хизматлари ва ҳуқуқ-тартибот идораларига етказилган.   

Самолёт қўнгач, йўловчи полицияга топширилган. Бу рейс билан учаётган қолган йўловчилар меҳмонхоналарга жойлаштирилганлар. Агар Калининградда об-ҳаво яхшиланса, улар 4 апрель эрталаб белгиланган манзилга жўнатиладилар.