Туркийзабон давлатлар икки томонлама ҳамкорлик даражасини оширишлари керак, деб айтди Туркия палата ва биржалар иттифоқи раиси Рифат Хисаржиклиўғлу Остонада ўтган туркийзабон давлатлар ишбилармонлик кенгаши йиғилишида.

"Ҳамкорлик икки томонлама муносабатлар билан чекланиши керакмас. Ташаббусларни амалга оширишда 4 ёки 6 давлат иштирок этиши керак", деб айтди мутахассис ҳамда туркийзабон давлатлар савдо-иқтисодий алоқалари учун транспорт инфратузилмасини ривожлантириш муҳим аҳамиятга эгалигини таъкидлаб ўтди.

"Туркийзабон давлатлар юкларни етказиш учун йўлаклар яратиши керак, бу эса глобал хатарлар салбий оқибатлари таъсирини камайтиришга имкон беради", деб айтди Хисаржиклиўғлу.

Унинг айтишича, Каспий орқали йўлак жаҳон савдосининг муҳим транспорт артерияларидан бири бўлиш учун барча имкониятларга эга. "Бунинг иложи бор. Бундан ташқари, бу Хитойдан Европага юкларни ташишни енгиллаштиради. Ушбу йўлак  минтақадаги давлатлар ривожланишида ҳисса қўшади", деб айтди турк мутахассиси.