Портлаш ижрочилигида гумон қилинган шахс полицияга келди, бошқа гумонланувчи сурати пайдо бўлди

Жаҳон 04 Апрель 2017 58307

Санкт-Петербург метросидаги терактни амалга оширишда гумонланган ва ОАВ орқали сурати тарқатилган шахс полиция бўлинмасига келди ҳамда ўзининг бу ишга алоқадор эмаслигини маълум қилди. Бу ҳақда «РБК» хабар берган.

«У ўз суратини телевизор орқали кўргач, қўрқиб кетган ва ўзи полицияга келган», — деган ҳуқуқ-тартибот органларидаги манба.

Шу тариқа, ушбу шахс терактга алоқадор эмаслигини исботлаган.

Портлашдан кўп вақт ўтмасдан «Фонтанка» нашри видеокузатув камералари асосида Санкт-Петербург метросидаги терактни содир этгани гумон қилинган шахс суратини намойиш қилганди. 

Эндиликда «Пятый канал» терактга алоқадор сифатида иккинчи гумонланувчи фотосуратини тарқатди.

«Портлаш бўйича икки киши қидирилмоқда: бири «Сенная площадь» бекатидан «Технологический институт» бекатига ҳаракатланган поезд вагонида бомба қолдириб кетган, иккинчиси «Площадь Восстания» бекатига портловчи қурилма жойланган рюкзак қўйган», — деган агентлик суҳбатдоши.

Шу билан бирга «Интерфакс» агентлиги ҳуқуқ тартибот органларига асосланган ҳолда Санкт-Петербург метросида худкуш ўзини портлатгани ҳақида хабар берди.

«Талқинлардан бирига кўра Петербург метросида портловчи қурилмани террорчи ҳаракатга келтирган. Дастлабки маълумотларга кўра у Ўрта Осиёдан келган, 23 ёшли йигит», — деган манба.

Петербурглик адвокат Марина Козлова Петербург теракти ижрочисини кўргани ҳақида айтди. У ФСБ сўровида бўлди. Козлованинг сўзларига кўра, у соат 14:30да Марат кўчасидан Звенигородская кўчасига кетаётганида шубҳали шахсни кўргани ҳақида кўрсатма берган. Козлова бу вақтда машинада бўлган ва қарама-қарши йўналишда ҳаракатланаётганди. У ушбу шахс интернетда гумонланувчи сифатида сурати тарқатилган йигит эканини таъкидлаган.

3 апрель куни Санкт-Петербург метросида теракт юз берди: «Сенная плошчад» ва «Технологический институт» бекатлари оралиғида қўлбола портловчи ускуна ҳаракатга келди. Портлаш оқибатида 10 киши ҳалок бўлди, 40 дан ортиқ одам жабрланди. Бундан ташқари, «Плошчад Восстания» бекатида яна бир бомба топилиб, зарарсизлантирилди. Ҳозирча ҳеч бир ташкилот мазкур теракт учун жавобгарликни ўз зиммасига олгани йўқ.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27940 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14848 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55949 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 398 Жаҳон
Reuters: АҚШ Мисрга ҳарбий ёрдам бермайдиган бўлди
00:34 416 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 1820 Жамият
Германияда Трамп боши шаклидаги гиёҳванд моддали таблеткалар аниқланди
00:21 454 Жаҳон
Сербия Ҳиндистон ва Эрон фуқаролари учун визани бекор қилди
00:18 486 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 661 Жаҳон
Кўпроқ янгиликлар