"Ўзбекнефтегаз" миллий холдинг компанияси Тошкентда Шўртан  газкимё мажмуаси ишлаб чиқариш қувватини кенгайтириш инвестицион лойиҳасини амалга оширишнинг янги концепциясини тақдим қилди.

Агар аввал компания корхонанинг полиэтилен ишлаб чиқариш бўйича йиллик қувватини жорий 125 минг тоннадан 200 минг тоннадан кўпроққача оширишни режалаштирган бўлса, ҳозирда бу маҳсулотни ишлаб чиқаришни йилига 500 тоннагача етказиш режалаштирилмоқда. Бунда лойиҳа синтетик нафтани қайта ишлашни ва полиэтилен ҳамда полипропиленнинг янги турларини ишлаб чиқаришни ўзлаштиришни кўзда тутади.  

"Янги концепция синтетик нафта GTL’ни олефинлар ишлаб чиқаришда қўллаш қарорини татбиқ қилишга имкон беради. Бундан ташқари, лойиҳанинг амалга оширилиши Қашқадарё вилоятида янги технологик кластер яратиш имкониятини беради", деб айтилди компания матбуот хизматида.   

2017 йил учун инвестиция дастурида лойиҳа 400 млн доллардан кўпроққа баҳоланган. Компания барча ишларни 2019 йил охиригача якунлашни режалаштирмоқда.   

Шўртан газкимё мажмуаси 2001 йилда ишга туширилган. Унинг маҳсулотлари Ўзбекистон, Россия, Қозоғистон, Украина, Туркия, Хитой, Польша, Италия ва бошқа бир қатор давлатларга сотилади.