Тошкентда иссиқ сувни ўчириш жадвалига ўзгартиришлар киритилди. Бу ҳақда “Тошиссиққувати” унитар корхонаси хабар қилди. Унга кўра иккита иссиқлик марказида иссиқ сувнинг ўчирилиш муддатларига ўзгартириш киритилган.

ИМ-9да иссиқ сувнинг тўлиқ ўчирилиши 1-5 май (17-21 апрелнинг ўрнига), ИМ-10да 10-14 апрель кунларига (24-28 апрелни ўрнига) белгиланди. 

Иссиқлик марказлари йўналиши:

ИМ-9 

Ҳудуд: Чилонзор 9, Г9А, 10, 13-15, 15А, 21-25, 30, 31 даҳалари, Шарқ, Ал Хоразмий – 1, 2, Бешқайрағоч, Гулистон, Изза мавзелари, Тақачи, Гулистон, Ширин, Лутфий, Катта халқа йўли, Ўрикзор, Катта Хирмонтепа, Кичик халқа йўли, Бешқайрағоч, Тўқимачи, Нашриёт, Ю.Саккокий, Фозилтепа, Фарҳод кўчалари, Ўрикзор бозори ҳудуди.

ИМ-10

Ҳудуд: Форобий, Беруний, Мухбир, Мирзо Ғолиб, Шифокорлар, Талабалар, Катта халқа йўли, Қамарнисо, Қорақамиш 1-кўча, Шифокорлар 2-кўчаси, Ёшлик, Чимбой, Жарариқ митти туманлари, Қорақамиш – 2/3, 2/4, Бешқўрғон – 1, 2, 3, 4, Қамарнисо ЎзМУ – ТошДТУ, Олимпия, Ибн Сино 1, 2, Белтепа, Шифокорлар шаҳарчаси.