Ўзбекистон ва Россия 3,5 миллиард долларлик келишув ва шартномаларни имзолади

Ўзбекистон 04 Апрель 2017 11354

Ўзбекистон ҳамда Россиянинг компаниялари ва банклари 3,5 миллиард долларлик келишув ва шартномаларни имзолади. Бу ҳақда Ўзбекистон ТИВ сайтида хабар берилган.

«Учинчи апрель куни Ўзбекистон Республикаси президенти Шавкат Мирзиёевнинг Россияга ташрифи арафасида Москвадаги элчихонада Ўзбекистон делегацияси билан ҳужжатлар имзолаш маросими бўлиб ўтди», — дейилган хабарда.

Бош вазирнинг биринчи ўринбосари, «Ўзбекистон темир йўллари» АЖ раиси Очилбой Раматов бошчилигидаги расмий делегация қатнашчилари савдо-иқтисодий ва инвестиция соҳаларида иккитомонлама идоралараро ҳужжатлар имзолаш тантанали маросимининг алоҳида қисмида иштирок этган. Россия томонидан Иқтисодий тараққиёт вазири Максим Орешкин вакил бўлган.

ТИВ матбуот хизмати хабарига кўра, томонлар ҳажми 3,5 миллиард доллардан ошиқ бўлган 16та ҳужжатни имзолашган.

Хусусан, Ўзбекистон Миллий банки «Газпромбанк» билан инвестиция лойиҳаларини молиялаштириш ҳақида битим тузди. Ҳужжат доирасида томонлар Ўзбекистон саноатининг тўқимачилик ва бошқа тармоқларида инвестициявий лойиҳаларни амалга оширишни режалаштирмоқда.

Шунингдек, «Газпромбанк» ва «Асака» банки Тошкентда металлургия заводини қуриш ҳақида битим имзолади. Лойиҳа қиймати 280 миллион евродан ошади. Завод қурилиши яқин ойларда бошланади. Саноат лойиҳаси 2019 йилда ишга туширилади.

«Чирчиқ қишлоқ хўжалиги техникаси заводи» АЖ майдонларида қишлоқ хўжалиги техникаларни биргаликда ишлаб чиқаришни ташкиллаштириш ҳақидаги битим, «Ўзагроэкспорт» АЖ ва «Ўзагроэкспорт» савдо уйи МЧЖ ўртасида Россияга 612 миллион долларлик янги узилган ва қайта ишланган мева-сабзавот маҳсулотларини етказиб бериш ҳақида шартнома, «Ўзбекнефтгаз» МҲК ва Россия Федерацияси энергетика вазирлиги ўртасида 225 миллион долларлик Россия нефтини Ўзбекистонга етказиб бериш борасида меморандум, «Олмалиқ КМК» АЖ ва «ИЗКАРТЭКС» МЧЖ Ижорск эксковатор заводи ўртасида 100 миллион долларлик эксковатор техникаларини етказиб бериш бўйича ҳамкорлик битимлари ҳам имзоланди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 45403 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15318 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95340 Ўзбекистон
Барселонадаги теракт ва Каталониянинг Альканар шаҳридаги портлашлар ўзаро боғланган бўлиши мумкин
08:18 2 Жаҳон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 185 Жаҳон
Европада Барселонадаги терактлардан кейин хавфсизлик чоралари кучайтирилди
08:01 267 Жаҳон
Барселона яқинида яна бир теракт амалга оширилди
07:08 1652 Жаҳон
Барселонадаги теракт учун жавобгарликни ИШИД ўз зиммасига олди
07:03 1631 Жаҳон
Хитойдаги кимё заводида кучли портлаш юз берди
00:33 3032 Жаҳон
Кекса немис Исландияга эски тракторда саёҳатга жўнади
00:24 1972 Жамият
Кўпроқ янгиликлар