Жалиловнинг оиласи 6 йил олдин Ўш воқеалари туфайли Россияга кетган бўлиши мумкин

Жаҳон 04 Апрель 2017 33626

Санкт-Петербург метросида 3 апрель куни амалга оширилган теракт ижрочиси Акбаржон Жалиловнинг қариндошлари республиканинг Миллий хавфсизлик қўмитаси томонидан тергов қилинган.

«Қидирув-тергов ишлари доирасида Жалиловнинг ота-онаси сўроқ қилинди. Бошқа ҳеч нарса айта олмаймиз. Қирғизистон махсус хизматлари биз билан алоқада», — дейилган ҳуқуқни сақлаш органлари хабарида.

Акбаржон Жалиловнинг оиласи сўроқ қилинди. У ҳақида янги маълумотлар

Акбаржон Жалиловнинг Қирғизистондаги ҳаёти ҳақида маълумот жуда кам. У 2011 йилга қадар Ўш вилоятида яшаган. Қирғизистон фуқаролигини олмаган, чунки балоғат ёшига етмасдан Россияга кўчиб кетган ва 2011 йилда Россия фуқаролигини олган.

Тахмин қилинишича, оиланинг Россияга кетиши 2010 йилги Ўш воқеалари билан боғлиқ бўлиши мумкин. Ўша йили қирғизлар ва ўзбеклар ўртасида низо чиқиши оқибатида 500 мингга яқин киши қочқинга айланганди. Ўш ва Жалолобод вилоятларида бир неча кун давом этган тўқнашувлар вақтида 500 нафарга яқин киши бедарак йўқолган, бир неча киши жароҳатланганди.

Кейинроқ Жалиловнинг ота-онаси ватанига қайтган, лекин унинг ўзи Россияда қолган ва ишлашда давом этган.

Жалиловнинг қўшнилари айтишича, уларнинг оиласи тинч яшаган, ҳеч қандай можароларга аралашмаган.

«Улар бу ерга 5-6 йил олдин кўчиб келишган эди. Отаси кўп йиллар давомида Россияда эди. Улар тинч оила эди, ҳеч қандай можароларга аралашмас эди. Бу оила ҳақида билганим шу», — деб изоҳ берган Жалиловлар қўшниси матбуот вакилларига.

АКИпресс хабарига кўра, айни вақтда ушбу оила истиқомат қилган уй ёпиб қўйилган. 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13578 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67738 Жамият
Кун.uz офис изламоқда
15:48 / 06.08.2017 36996 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 344 Жаҳон
Саакашвили Украинага қачон қайтишини маълум қилди 
01:15 818 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 743 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар