Бортида 209 йўловчи бўлган паром Канаданинг Кейп-Бретон ороли яқинида бир неча соатга муз исканжасида қолиб кетди. Бу ҳақда CBC телеканали хабар бермоқда.  

Highlanders пароми 4 апрель куни кундузи Шимолий Сиднейдан (Янги Шотландия вилояти) йўлга чиқиб, бир мунча вақтдан кейин музлар орасида қолиб кетган. Паромда йўловчилардан ташқари 85 та юк машинаси ва 65 та енгил машина бор бўлган.

Паромга ёрдам бергани Канада соҳилбўйи қўриқлаш хизматининг музёрар кемаси чақиртирилган. Паромга эгалик қилувчи Marine Atlantic компанияси вакилининг айтишича, паром маҳаллий вақт билан соат 20.00 да муз исканжасидан озод қилинган.